Еден пожар е активен, а пет се ставени под контрола. Активниот пожар е на подрачјето на општина Кавадарци, во близина на Тиквешкото Езеро, каде што е зафатена нискостеблеста шума и трева.
Во врска со овој пожар, полицијата приведе три лица од кавадаречко поради сомнение дека предизвикале пожар на сува трева кај месноста викана Блато, на Тиквешко Езеро.
„Повредени во пожарот нема, а во гаснењето на огнот се вклучиле авиони од Дирекцијата за заштита и спасување, возила на Интервентната противпожарна бригада и Територијалната противпожарна единица во Кавадарци,“ соопштија надлежните.
Увид извршила екипа на полицијата од Кавадарци и се работи на целосно расчистување на случајот.
