Американскиот претседател Доналд Трамп денеска најави дека САД би можеле да останат во Иран и да ја „задржат нафтата“, како во случајот со договорите со Венецуела.
За време на посетата на Ирска, тој повтори оти очекува војната со Иран да заврши во текот на оваа година. Тоа, според него, би било можно веднаш по изборите на средина на мандатот, кои во САД се одржуваат во ноември.
Трамп додаде дека цената на горивата „драстично би паднала“, штом заврши војната со Иран.
Претседателот на САД порача дека ќе склучи само „вистински договор“ и дека нема да се согласи на „договор кој не значи ништо“, додавајќи дека „Иран постојано повикува на мировни преговори“. Тој изнесе и опција САД да останат присутни во Иран, повлекувајќи паралела со договорот со Венецуела во август.
