Реформите треба да донесат мерливи резултати, поефикасни институции и подобри услуги за граѓаните, истакнала заменик-министерката за европски прашања Викторија Трајков на средбата со заменик-амбасадорот на Франција, Филип Маршето, и францускиот експерт Жером Кел.
Во фокусот на разговорот биле реализираните реформи, активностите на институциите за спроведување на Реформската агенда и приоритетите за наредниот период.
– Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото – истакнала Трајков.
На средбата била нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на земјата.
