Организацијата „Мајките за Америка“ – која одигра огромна улога во победата на американскиот претседател Доналд Трамп, од Македонија го објави проширувањето на мрежата на светско ниво под името „Мајките за слободата“. Нејзината претседателка и основачка, Кимберли Флечер, порача дека целта на глобалното проширување е меѓусебна поддршка и поврзување со цел да се влијае врз владите во интерес на положбите на жените и мајките.
Македонската, меѓу основачките на „Мајките за слободата“, е претседателката на здружението „Јас сум жена“, Ана Дукоска. Според неа, мајчинството не е ограничено само на биологија, туку живее во секоја жена која избира да се грижи, мудро да едуцира и храбро да инспирира.
