По долги процеси во судовите, поранешниот технички министер за внатрешни работи и екс директор на Агенцијата за разузнавање Наќе Чулев ја доби судската битка.
Утврдено е дека одземањето на неговиот безбедносен сертификат и неговото отпуштање било незаконски, дека целата конструкција била неправична и политички мотивирана. Против сторителите на ова дело е поднесена кривична пријава за злоупотреба на институциите. Чулев вели дека очекува да постапат, а оние кои се огрешиле да одговараат.
Тој во своајта објава на социјалните пишува за годините на понижување, клевети и неправда, што ги поминал во својата професионална кариера, во кои бил цел на организирана кампања на дезинформации и политички прогон од претходната власт.
„Ова не е само моја приказна. Многу луѓе и денес водат битки по судови за да ја докажат својата невиност и да ја вратат честа и професионалниот интегритет. Тоа е симптом на поширок проблем – политички прогон и злоупотреба на институциите кои ја разоруваат довербата во државата и ги уништуваат семејствата“, напиша Чулев.
