Државниот пазарен инспекторат изминатиов период со полни раце работа. За осум месеци инспекторите извршиле повеќе од 17.350 надзори, од кои 4.540 субјекти добиле прекршочни платни налози во вредност од околу 110 милиони денари. Главниот фокус на работата на инспекторите во последните три месеци во биле угостителските објекти.. од ДПИ велат дека од од 17-ти март до 15 јуни евидентирани се 1.713 надзори од кои 716 субјекти добиле прекршочни платни налози и 60 решенија за привремена забрана за работа. Најголем дел од прекршоците биле за немање на лиценци за работа.
Во однос на цените на пазарите и таму се прават засилени контроли, директорот на ДПИ, вели дека по укинувањето на мерките за ограничување на маржите и замрзнување на цените, кое заврши на 30 април, се забележува умерен раст на цените во малопродажба, додека во големопродажба тие се враќаат на нивото од пред мерките.
“Има умерено зголемување на цените на пазарите во малопродажба. Кај производите со најголем обрт зголемувањето се движи од 3 до 5%, додека кај производите за лична хигиена, бебешка храна и пелени цените се зголемени за 10 до 20%. Од друга страна, кај зеленчукот и овошјето има значителни намалувања, дури од 20 до 100%” – изјави Стојкоски.
Анализата на ДПИ, направена пред десетина дена, е веќе доставена до Министерството за економија и труд. Таа е изработена врз основа на контроли спроведени кај над 100 субјекти и над 1.000 продажни места низ државата.
Од инспекторатот велат дека станува збор за обемна анализа која сега е во надлежност на Министерството за економија, и таму треба да се разгледа и да донесат соодветни заклучоци.
