Заменик-претседателот на Владата и министер за односи меѓу заедници, Иван Стоилковиќ упати честитка по повод 2 Август, Илинден – Денот на Републиката, како што посочи, еден од најдлабоко врежаните датуми во историската и колективна меморија на македонскиот народ и држава.
-Честувајќи го Илинден, денот кој нè обединува и инспирира, оддаваме почит на историските подвизи и вредносните темели врз кои се изгради идејата за слобода, правичност и заедништво. Денешниот Илинден нѐ потсетува на одговорноста која ја носиме – да ја чуваме и унапредуваме Републиката, да ги негуваме вредностите на единство, солидарност и разбирање, и да работиме за иднина во која секој граѓанин ќе се чувствува достоинствено и еднакво. Нека е честит 2 август, Илинден – Денот на Републиката! Нека неговата порака за единство, достоинство и визија за подобро утре биде наша водилка, се наведува во честитката од вицепремиерот Стоилковиќ и министер за односи меѓу заедниците.
