Десетици староседелци денеска упаднаа на климатскиот самит „КОП 30“ во Бразил и се судрија со обезбедувачите, барајќи климатска акција и заштита на шумите.
Бесно викајќи, демонстрантите бараа да им биде дозволено да влезат во комплексот на ОН, каде што илјадници делегати од земји од целиот свет присуствуваат на годинешниот климатски самит на ОН во амазонскиот град Белем, Бразил.
Некои мавтаа со знамиња со пораки за правата на земјиштето, додека други носеа транспаренти на кои пишуваше „Нашата земја не е на продажба“.
Лидерот на староседелците изјави дека се огорчени од континуираната експанзија на индустријата во шумата. Демонстрантите се разотидоа кратко по судирот, а беа дел од групата од стотина лица кои маршираа кон местото на одржување на самитот.
Бразилскиот претседател ги истакна домородните заедници како клучни учесници во годинешните преговори на климатскиот самит.
