Маж од Србија е уапсен во скопско под сомнение дека подготвувал тешко кривично дело, најверојатно ликвидација, пишуваат српските медиуми.
Акцијата била спроведена по долготрајна оперативна размена на информации меѓу македонското и српското Министерство за внатрешни работи.
Осомничениот С. М., роден 1984 година, бил откриен во засолниште во Скопје. При претресот, полицијата пронашла пиштол „ЦЗ“, муниција, воен нож, црна тактичка униформа и мала количина марихуана. Кај него била пронајдена и српска лична карта која гласела на друго лице.
Според истрагата, осомничениот претходно нелегално ја преминал границата и влегол во Македонија. Полицијата се сомнева дека тој бил испратен со конкретна задача.
Оперативните информации покажуваат дека 42-годишникот е поврзан со организирана криминална група. Истражителите веруваат дека во Скопје подготвувал ликвидација.
Во тек е идентификација на можната цел и луѓето што му помагале за време на престојот во Македонија.
