Заменик претседателот на Владата и министер за транспорт, Александар Николоски денеска оствари средба со новоименуваниот амбасадор на Република Турција, Алпер Акташ, на која биле разгледани билатералните односи меѓу двете земји, како и можностите за унапредување на меѓусебната соработка.
Посебен акцент, како што информираат од Министерството за транспорт, бил ставен на трговската размена и економската соработка, особено во областа на транспортната политика и инфраструктурното поврзување.
На средбата, министерот ги претставил развојните политики на Владата и плановите за подобрување на инфраструктурната поврзаност во регионот.
Николоски нагласил дека Македонија претставува поволна дестинација за инвестиции и претставува порта за поврзувањето со Централна Европа.
Во таа насока, било истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.
Соговорниците ја потврдиле важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.
Во делот на туризмот, како што наведуваат од Минитертвото, било нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.
Од Минитертвото за транпорт посочуваат дека средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.
