Социјалистичката партија на Македонија не е изненадена од безобѕирната реторика што деновиве ја нудат лидерите на СДСM и ДУИ во предизборните настапи и говори, наведува СПМ во соопштение.
Наместо предлози, проекти и визија за иднината на земјата и на граѓаните во локалните заедници тие предлагаат насоки за уништување, раздор и поделба на државата. Наратив кој е добро познат на македонската јавност.
Со празни и дрски говори и настапи, без идеи и најави за раст и развој, тие се натпреваруваат кој полошо да каже и да ја навреди државата и народот во Македонија.
Со безобѕирни лаги и клевети се трудат да го свртат вниманието од криминалите и злоделата што ги правеа и кои се уште се обидуваат да ги прават и да не одговараат.
Прочитани се СДСM и ДУИ и не можат да очекуваат доверба за лица и партии кои немаат знаење и капацитет да управуваат, но затоа се вешти во манипулациите и лажењето на граѓаните.
Сведоци сме на целосно антимакедонско разголување и партиска демонтажа на политички опции во распаѓање.
Социјалистичката партија на Македонија повикува на масовна излезност и поддршка на единствената и вистинска Македонска опција „Твоја Македонија“, Коалиција која единствено се потврди со остварени проекти и политики во интерес на граѓаните и државата.
