Спасени – во последен час, од пламените јазици. Во попладневните часови, во координирана акција на двата хеликоптери на МВР, се спасени деветмина кои учествувале во гаснење на пожарот на планината Готен.
Додека војник бил целосно опкружен од пламените јазици, едниот хеликоптер – со прецизно фрлање на вода – направил пат, а другиот се спуштил, со што војникот бил евакуиран.
Во акцијата, извлечени се уште осум луѓе. Војникот е пренесен во Штипската клиничка болница, а останатите осуммина спасени се пожарникари од Радовиш и вработени во „Македонски шуми“, и се чувствуваат добро.
