Маслодајните култури полека се враќаат на македонските полиња, но се уште сме многу далеку за нашата држава повторно го врати приматот што некогаш го имала во производството на афион, лен или маслодајна репка. Високата цена на маслото во изминатиот период, но и добрите субвенции повторно го „воскреснауваат„ сончогледот на нивите.
„Ние колку и да ги зголемуваме површините, многу тешко дека ќе можеме да ги заоволиме нашите потреби. Гледаме дека на рафтовите имаме увоз од разни држави, посебно од Србија, но добро е тоа што се најде слух од страна на државата, да се зголемат субвенциите“ изјави проф. Љупчо Михајлов, од Земјоделскиот факултет при УГД-Штип.
Според проф.Михајловски, земјоделците треба да се насочат кон порана сеидба на сончогледот,бидејќи како што објаснува, растението може да издржи ниски температури. Најдобро е да се сади во март и да се користат високо квалитени хибриди.
„За сончогледот, важно е да се сади во март, за да го развие кореновиот систем на поголема длабочина. Понатаму и да настанат пролетни суши да не страда за вода, но и да обезбеди моќност на растението„ изјави проф. Љупчо Михајлов, од Земјоделскиот факултет при УГД-Штип.
Проф. Михајлов, советува дека во Овчеполието е ризично да се се сади сончоглед, но земјоделците, би требало да обратат поголемо внимание и на културите лен и маслодајна репка, кои успешно може да се одгледуват на нашите полиња.
Според податоците на Државниот завод за статистика најголем рекорд на засеани површини имало во 1989, кога под оваа култура биле покриени 46.000 хектари , а во 2014 само 4000хектари. Драстичниот пад на сончогледовите полиња се должи на лошите аграрни политики, како ниските откупни цени во минатото.
