Со викенд акцијата струмички „Комуналец“ ги исчисти и изврши миење на булеварите „Маршал Тито“, „Ленинова“, „Гоце Делчев“ како и улиците „Балканска“, „Маршал Тито“, „Гоце Делчев“, „Сандо Масев“ и „Невена Стојкова“, соопштија денеска од комуналното претпријатие.
Оттаму упатија апел до сите граѓани за посовесно однесување и оставање на кабастиот отпад исклучиво во пластични вреќи во контењерите.
-Секој друг вид на отпад од домаќинствата-градежен шут, делови од покуќнина, треви и гранки од дрвја да не се оставаат по тротоарите туку да се пријави на бројот 13-110 и во договор со службите тој ќе биде подигнат од пријавеното дворно место, се наведува во соопштението.
Се додава дека со секојдневно присуство и акции на терен и со одговорното однесување на сите граѓани секојдневно треба да се подобрува сликата за почисти и поуредени улици низ Општина Струмица.
