Ако општините успеат сами да си ги наплатат приходите во целост, ќе бидат повеќе независни од централната власт. Само една третина од вкупните финансии ги обезбедуваат сами. Остатокот се дотации од централната власт. Од ЗЕЛС велат дека 100-те милиони евра помош од Владата за капитални проекти и тоа како ќе ја подобри состојбата. Процесот е во тек, а парите треба да се искористат до крајот на годинава. Пријавени се сите општини со вкупно 357 проекти за изградба на патишта, училишта, градинки, водоводи.
Општините треба да бидат финансиски независни. Неопходни се законски измени за општините да можат да соберат поголем процент од даноците кои се собираат на централно ниво како што се данокот на доход, ДДВ и други – смета професорот Борче Треновски. Сепак, тој смета дека треба да се зголеми и кадровскиот капацитет на општините да ги менаџираат овие зголемени приходи. Дополнително треба да с еподобрат капацитетите за услугите кои ги даваат локалните власти да бидат поквалитетни.
Откако на општините им се овозможи законски, голем дел од нив ги зголемија стапките на данок на имот, па давачките по оваа основа драстично им се зголемија. Се надминаа случаите на општини, како на пример Арачиново, која немаше ниту едно изготвено решение за данок на имот, бидејќи во самата општина не постоеше ниту база на соспственици , ниту даночно одделение. Во Македонија најнизок процент од даноците се слева во локалната власт. Со амрикански прокет се спроведува проект за зајакнување на ресурсите на општините за искористување на ресурсите.
Од ЗЕЛС потенцираат дека потегот на претходната влада која со 50 милиони евра финансиски им помогна на општините не вроди со плод, бидејќи тие продолжија да трупаат долгови. Сегашното решение за помош за реализација на капитални проекти ќе донесе поголема додадена вредност – велат оттаму. Во моментов, според податоците на Министерството за финансии , најзадолжено локално јавно претпријатиер е Комуналец – Гостивар, а најзадолжена општина е Град Скопје до долг од речиси 11 милиони евра.
