Делови од Скопје на + 40 без вода. Во деновите кога во главниот град е пекол, повисоките зони со денови во попладневните и вечерните часови остануваат без водоснабдување. Така беше минатата недела на Водно, а сега проблеми има и во Железара, Автикоманда, Ченто и други делови од општина Гази Баба. За тоа што сред жега скопјани се без вода од ЈП Водовод и Канализација се правдаат дека имало огромна и неконтролирана потрошувачка и заради тоа бил нарушен системот.
ЈП Водовод и канализација – Скопје, ја информира јавноста дека повторно има енормно зголемена и неконтролирана потрошувачка на вода на водата за пиење, што предизвикува нарушување на стабилноста на водоснабдителниот систем. Како последица на сето ова, можни се појави на намален притисок и прекини на водоснабдувањето во одредени делови на Градот Скопје, велат од ЈП Водовод и канализација
Во Скопје не е пекол само ова лето. Но оваа година недостатокот на вода стана главен проблем кој ќе треба да го решава следниот градоначалник. Тој што ќе ја преземе работата од Данела Арсовска факт е дека ќе има полни раце работа. Блокирани јавни претпријатија, сообраќајни гужви, нечист град …. ЈСП е во долгови, приватните превозници неколку пати ги паркираа автобусите, хаос во комунална хигиена. Вработени во дел од јавните претпријатија штрајкуваа зошто немаа земено плата. За прв пат од осамостојувањето се случи Скопје да остане без јавен превоз, но и со преполни котејнери кои со денови не беа исчистени. И загадениот воздух мора да биде приоритет на новиот градоналаник веалт од невладиниот сектор.
Тие посочуваат дека градоначалникот мора да има координација и редовна комуникација со граѓаните. Кој и да биде мора да работи во интерес на Скопје и скопјани и да ги слуша нивните потреби
Локалните избори треба да се одржат во втората половина од месец октомври. До сега официјално потврден кандидат за Град Скопје од ВМРО – ДПМНЕ е актуелниот градоначалник на Општина Кисела Вода Орце Ѓеорѓиевски.
