Сите пожари се изгаснати, останува само тој кај Јасен, Ангелов: повеќе од сигурно е дека се подметнати

Според последните информации од директорот на Дирекцијата за заштита и спасување, Стојанче Ангелов, изгасени се сите пожари, но останува еден многу тежок – тој кај Јасен. Триесет и три беа активни изминатото деноноќие, изгасени се 32, а во моментот се делува повеќестрано и од небо и од земја за да се изгасне и тој во Јасен. Ангелов кажа дека битката со пламените јазици била тешка, но и дека дел од пожарите се подметнати, со оглед дека бројката во текот на вчерашниот ден беше огромна.