Кинескиот претседател Си Џинпинг повика на соработка со САД во изјавата објавена од кинеската новинска агенција „Синхуа“, по неговото пристигнување во Вашингтон. Тој беше пречекан од американскиот претседател Доналд Трамп во воената воздухопловна база „Ендрјус“.
Претседателот на Кина е во тридневна посета на САД, на покана на Трамп, а за денеска е предвидена официјална средба на двајцата претседатели во Белата куќа.
„Нашите две земји треба да бидат партнери, а не ривали“, порача кинескиот лидер, додавајќи дека кинескиот и американскиот народ долго време одржуваат пријателски контакти, а нивните интереси се тесно испреплетени.
Си Џинпинг посочил дека слоганите „Големото обновување на кинеската нација“ и „Да ја направиме Америка повторно голема“ можат да одат рака под рака, да се надополнуваат и да му користат на светот.
Кинескиот претседател изјавил и дека со нетрпение очекува да разговара со луѓе од различни сфери на животот во САД, со цел да го продлабочи пријателството.
