Штип забрзано се развива и гради. Најдоцна до декември во употреба ќе биде пуштена новата обуколница. Браната Отиња ќе биде готова наредната година, а бања Кежовица ќе отвори нови перспективи за бањски туризам. За развој на градот, ќе се инвестираат дополнителни 70милиони денари за водововодна и канализациона мрежа.
„Заедно со градоначалникот работиме и во финална фаза сме на изработка на ДУП за бањата Кежовица која што треба да отвори многу перспективи за развој на туризмот, пред се на бањскиот туризам и исто така една убава викенд населба што ќе значи многу за целиот источен регион и третиот проект е браната Отиње која што треба да е една туристичка атракција. Обезбедивме дополнителни 145 милиони денари и се реализира во моментов„ изјави министерот за транспорт и врски, Александар Николски.
Денеска премиерот и министрите за транспорт и врски и локална самоуправа, заедно со градоначалниците извршија увид во градежните активности на проектите кои во Штип и Карбинци, се градат со пари од владиниот прв јавен повик за проекти од инфраструктурен развој. Во Штип се гради обиколница, а во Карбинци улици..
„Перспективно ова е иден развој за градот, имајќи во предвид дека согласно ГУПовде се предвидува зона за домување и лесна индустрија„ изјави Иван Јорданов, градоначалник на Штип
„Се работи за сервисна улица 5, дел од главната улица во најголемото населено место , село Таринци. Станува збор за улица долга 400метри и широка 9,5метри„ изјави Виктор Паунов, градоначалник на Карбинци.
Огромен е интересот и за општините кои со проекти аплицирале на вториот јавен повик , истакна министерот за локална самоуправа. Општина Штип аплицираше со шест проекти во висина од 388милиони денари, а Карбинци со 4милиони денари.
„Овие проекти не само што значително ја подобруваат инфраструктурата во рамки на сите локални самоуправи во Македонија, туку тие се и надеж дека во Македонија, повторно ќе може соодветно и модерно да се живее„изјави Златко Перински, министер за локална самоуправа
На општините со вториот јавен повик на располагање ќе им бидат 15милјарди денари за изградба на градинки, паркови, водоводи и канализации
