Шест компании остануваат без лиценца за производство на канабис за медицински цели. Владата им ги одзеде дозволите а меѓу главните комапнии е и и „Алфа фарм“ чиј косопственик е вмешан и осомничен со случајот со запленетите пет тони марихуана во Србија. Причините се сериозни прекршувања на законот – не им работеле камерите, немале обезбедување, едно имале на хартија друго во магацин. Здравствените власти откриваат дека инспекторите на терен затекнале сув цвет чуван несоодветно- веќе отворен, без запечатување,ставен во обични картонски кутии. Наместо под строги стандарди – како што налага законот.
Контролите опфатиле 13 од вкупно 43 лиценцирани компании. По оваа акција, следуваат и построги проверки и можно е списокот на одземени лиценци да се зголеми.
Контролите следуваат откако во Србија беше запленета поголема количина марихуана, за која се сомнева дека потекнува од земјава. Државата најавува дека нема толеранција за прекршувања кога станува збор за производство на медицински канабис.
Под раководство на Обвинителството за организиран криминал и корупција, властите отворија обемна истрага по заплената на марихуана во земјава и во соседна Србија..
Донесена е наредба за истрага против шест лица, осомничени дека организирале продажба и транспорт на наркотични средства.
Уште 10 лица заработија кривични пријави, а две веќе се во притвор.
Акцијата следи по заплена на големи количини марихуана на повеќе локации низ државата, дел од случаите завршиле и надвор од границите.