Кинематограферот Џеф Кроненвет, годинашен добитник на наградата „Златна камера 300“ за особен придонес во филмската уметност, одржа раотилница на која говореше за неговиот влез во оваа филмската индустрија, детството и семејството.
Кроненвет потсети на најраните моменти од своето детство, кога филмскиот сет бил дел од неговото секојдневие, на десетгодишна возраст почнал да експериментира со камерата, снимајќи го својот брат и создавајќи мали сцени.
-Татко ми дома носеше камери, па ние бевме субјекти. Кога татко ми го снимаше „Blade Runner“, бев дел од тоа. Тоа беше доста тежок филм, многу ноќи се снимаше. Гледав како снимаат, беше прекрасно искуство, потсети Кроненвет кој потекнува од едно од познатите кинематограферски семејства во Холивуд.
Неговата сопствена кариера подоцна ќе го одведе меѓу најзначајните имиња на современата кинематографија. Препознатлив е по долгогодишната соработка со режисерот Дејвид Финчер, со кого ги создаде визуелните светови на филмовите „Боречки клуб“ (Fight Club), „Социјалната мрежа“ (The Social Network), „Исчезната“ (Gone Girl) и „Девојката со тетоважа на змеј“ (The Girl with the Dragon Tattoo).
За својата работа Кроненвет доби две номинации за „Оскар“, за најдобра кинематографија, за „Девојката со тетоважа на змеј“ и „Социјалната мрежа“.
