🎥 Седница на Советот за безбедност во Вила Водно – Камери и дронови ќе ги „ловат“ подметнувачите на пожари

Безбедноста состојба на Македонија е стабилна, државата има капацитет да се справи со пожарите, а собраниските тела за евроинтеграции да се заложат да да се надминат сите слабости кои ги констатира Европската комисија во однос на напредокот на земјата. Ова е заклучот од втората седница на Советот за безбедност. Во Вила Водно државниот врв дебатираше повеќе од 2 часа, со посебен акцент на пожарите кои беснеат во Македонија. Како што информираше претседателката Сиљановска Давкова состојбата со пожарите е стабилна, а премиерот Христијан Мицкоски информирал за систем за превенција на кој работат, употреба на камера и дронови „со кои точно би се лоцирале опасностите, па и извршителите. Има сомневања дека дел од пожарите не се последица на високите температури, туку се намерно подметнати, рече претседателката. 

• „Има сомневања дека дел од пожарите не се последица на високите температури, туку се намерно подметнати. Но додека трае предистражната постапка, сето тоа останува на ниво на претпоставки“, посочи претседателката.

Жестока дискусија имало и за состојбата на Блискиот исток, сите присутни на состанокот биле со „неподелени ставовите за потреба од мир“, но поради отсуството на министерот за надворешни работи и трговија, претседателката не зезама став за евентуални ограничувања кон Израел.

• „Имавме бурна дискусија, но сите членови се согласија дека безбедносната состојба во земјава е стабилна и под целосна контрола. Не се очекуваат сериозни безбедносни закани“, изјави Сиљановска.

На состанокот се говорело и за состојбата во регионот, односно случувањата во Босна и Херцеговина, институционалната криза во Косово поради неможноста да се конститурира Собранието, како и во соседна Србија каде има низа сериозни проблеми.  И окрај овие предизвици во регионот, не се очекува тие да се одразат врз македонската безбедносна состојба – истакна Силјановска-Давкова.