Во Македонија во моментов се активни два пожари. Едниот во општина Долнени, кај селото Долгаец, каде што гори мешана шума, а другиот во општина Крушево, на влезот од градот, каде што е зафатена депонија.
Центарот за управување со кризи соопшти дека во изминатите 24 часа три пожари биле целосно изгаснати, а два ставени под контрола.
Под контрола се пожарите во општина Македонски Брод, во резерватот Јасен, каде што гори мешана шума, како и на планината Кожуф во општина Гевгелија, каде што е зафатена висока шума.
Изгаснати се пожарите во општина Штип, кај селото Судик, во општина Дебар, кај селото Елевци, и во општина Куманово, во населбата Гоце Делчев.
