Компаниите почнаа да ги добиваат евтините кредити ообезбедени со заем од Унгарија. Министерството за финансии ја префрли првата транша од 10,4 милиони евра на Развојната банка, пари кои потоа ќе отидат кај соодветните деловни банки. Трансферот бил реализиран по доставено барање на Развојната банка, откако проектите биле одобрени. Министерката за финансии засега не кажува на колку компании ќе им бидат префрлени овие пари, во кои сектори тие работат и за колкави суми станува збор.
Вкупно 250 милиони евра ќе бидат пласирани во приватниот сектор за нови инвестиции. Една компанија може да аплицира за кредит од најмногу 10 милиони евра. Од деловните банки кои ги нудат овие кредити со трошок од 1,95% велат дека интересот бил поголем од очекуваниот. Откако премиерот рече дека поради поголемата потреба за вбризгување пари во стопанството, најверојатно преку нов заем ќе се обезбедат повеќе средства, министерката вели дека таа се фокусира на пласирање на првичните 250 милиони евра.
Парите за стопанството треба да го забрзаат инвестицискиот циклус во земјава, а со тоа и растот на економијата. Министерката за финансии е задоволна од економските перформанси за крајот на 2024 и зголемувањето на БДП од 3,2% во пооследниот квартал. Вели дека ништо не може да се промени преку ноќ, особено поради ризиците кои доаѓаат однадвор, но работите се одвивале во добра насока.. Димитриеска Кочоска сепак е претпазлива. Засега нема план да ја ревидира проекцијата за економски раст од 3,7 отсто за 2025 година.
