Просечната плата на македонскиот работник пораснала за 8.3% за една година. Според најновите податоци на државната статистика таа во јануари годинава достигнала нешто над 46 илјади и 600 денари.
Најголем раст има во секторите: административни и помошни услужни дејности (+12,9%), трговија (+11,1%), како и преработувачка индустрија (+10,5%).
Ако се земе предвид и инфлацијата, релно просечната плата пораснала за 4.9% за една година.
Најголеми плати и натаму имаат вработените во секторот информации и комуникации, над 80 илјади денари во просек; потоа финансии и осигурување, снабдување со електрична енергија и рударство, со по околу 60 илјади денари.
Најниски плати има во угостителството, нешто под 34 илајди денари во просек; како и комуналните услуги, нешто над 37 илјади и 500 денари.
