Во галеријата „Метаноја“ во Скопје заедно во соработка со фондацијата „Нушиќ“ од Белград на 24 јануари беше промоцијата на книгата „Бен Акиба – о нама“ со изложба на карикатури со ликот на Бранислав Нушиќ во авторство на карикатуристот Зоран Товирац-Тоцо. На присутите во галеријата им се обрати директорот на фондацијата „Нушиќ“, Небојша Нушиќ, внукот на Бранислав.
„Во книгата се прикажани одредени случувања поврзани за животот и работата на Бранислав Нушиќ. Тоа се ситуации кои се познати во сообраќајот, во меѓу човечките односи, односот на властите кон народот. Нешто што и ден-денес е актуелно и живо, затоа книгата е толку интересна и, нормално интересна е поради тоа што е опремена со карикатури кои ги изготви карикатуристот Зоран, нашиот соработник, а тоа се овие карикатури кои можете да ги видите“ вели Небојша Нушиќ, директор на фондацијата „Нушиќ“
На спонтан начин менаџментот на галеријата Метаноја се сретнала со членови од фондацијата Нушич каде што и двете страни се договориле за одлична соработка.
„Овде на ул. Максим Горки, галерија „Метаноја“ каде што и Нушиќ често поминувал, зошто тој живеел тука во овој круг и тоа му било како едно од омилените улици на кои поминувал. Така што, претставниците на фондацијата навистина изразија желба да се случи тука ваква една изложба и промоција на книга“ кажа м-р Неда Милкова, директорка на галерија „Метаноја“
Во Македонскиот народен театар премиерно се изведе претставата „Народен пратеник“ во режија на Егон Савин од комедиографот Бранислав Нушиќ. Со оваа претства МНТ ја продолжува прославата на осумдецениското постоење. За 80 години, ова е трета постановка на „ Народен пратеник“ во МНТ и трета соработка на Савин со театарот.
Давид Крстевски
