Бугарија од денеска има привремена влада, која ја предводи премиерот Андреј Ѓуров.
„Нашата привремена влада нема да работи со реваншизам, туку со правила“, рече привремениот премиер. Ѓуров истакна дека работата на привремената влада нема да биде да суди, туку да постигне неколку цели. Најважната цел, посочи вршителот на должноста премиер, е да се врати довербата кај луѓето.
Претходно, потпретседателката Илијана Јотова потпиша декрети за назначување на вршител на должноста претседател на владата и закажување избори за Народното собрание на 19 април.
Гласањето ќе биде осмо по ред од 2021 година. Поранешниот премиер Росен Жељазков и единаесет министри од неговиот кабинет се враќаат во парламентот како пратеници.
Масовните протести против корупцијата ја соборија владата, предводена од конзервативците, кон средината на декември, предизвикувајќи нова политичка несигурност во Бугарија, балканската членка на ЕУ.
