Пратеникот на ВМРО-ДПМНЕ Љупчо Пренџов, кој е и член на собраниската Комисија за надзор над АНБ и АР, побара од актуелниот претседател на Комисијата, Скeндер Реџепи од Европскиот фронт – ДУИ, да закаже итна седница.
Ова, според Пренџов, е неопходно поради последниот скандал, односно загрижувачките сомнежи за незаконско постапување во АНБ. Тој нагласува дека треба веднаш да се утврди датум за официјална посета на Агенцијата за национална безбедност, преку која ќе се направи директен увид во состојбите и темелно испитување на сите околности поврзани со овие настани.
