Предлог за намалување на бројот на членови во Управните одбори на државните агенции

Наместо досегашните седуммина, деветмина, па дури и 14-мина членови, кои месечно добиваат и по неколку илјади евра, управните одбори на фондовите, агенциите и на сличните органи на извршната власт да имаат само по тројца членови.

Наместо досегашната практика да се именуваат на владини седници врз основа на партиски списоци, тие да се избираат по спроведен јавен конкурс. Ова значајна новина, која треба да го направи работењето на управните одбори поефикасно и поевтино, ја најави министерот за јавна администрација, Горан Минчев. На прашањето дали очекува да биде поддржана ваквата радикална промена во натамошната постапка, тој одговори дека силно ќе се борат за таа да биде прифатена.