Православната црква во Америка ја призна автокефалноста на МПЦ откако поглаварите на двете цркви отсслужија заедничка литургија во Вашингтон.
На литургијата во катедралниот храм „Св. Николај Чудотворец“ во Вашингтон, беше отсслужена заедничка света литургија од Негово Блаженство Г.Г. Тихон, митрополит Вашингтонски и архиепископ на цела Америка и Канада, и Негово Блаженство Г.Г. Стефан, архиепископ охридски и македонски.
Во текот на литургијата, митрополитот Тихон за првпат го спомна архиепископот Стефан во диптихот на поглаварите на православните цркви – со што и литургиски беше потврдено признавањето на автокефалноста на Македонската православна црква – Охридска архиепископија од страна на Православната црква во Америка.
На литургијата сослужуваа многубројни архиереи, свештеници и ѓакони од различни помесни православни цркви.
