Три дронови синоќа повторно се забележани над критичната инфраструктура во Белгија, овојпат над нуклеарната централа Доел. Операторот Engie соопшти дека беспилотните летала немале никакво влијание врз активноста на електраната. Претходно, неколку дронови беа забележани и над аеродромот во Лиеж, поради што околу еден час беше прекинат воздушниот сообраќај.
Изминатите денови дронови надлетуваа повеќе места во Белгија, меѓу кои и над белгиската воена база Клајне-Брогел, што ја користи НАТО. Според непотврдени извештаи, базата е една од локациите во Европа каде што се складира американско нуклеарно оружје.
