Влегувањето на новите синџири маркети во земјава ќе придонесе за намалување на цените. Вицепремиерот и министер за транспорт и врски, Александар Николовски, вели дека Владата прави се за да го олесни процесот, особено во делот на забрзување на носењето урбанистички планови и дозволи за градба на деловни објекти.
Менуваме правилник со кој овозможумае да се градат нови маркети за да се создаде конкуренција. Еве имеме веќе најава од два големи ланци Лидл и Шпар веќе се тука, изјави Николовски.
Општинските власти во целост ја поддржуваат идејата за правилникот. Според градоначаникот на општината Ѓорче Петров, Александар Стојковски, овој проблем е присутен низ цела Македонија. Поради долгите и макотрпни процедури за завршување на постапката се губело многу време и се менувале интересите, со што страдале граѓаните.
„ Во прилог на сите општиини би оделе било каков тип на измени со кој што овие процеси би се забрзале. Јас верувам дека е добро лоциран проблемот од страна на вицепремиерот и Владата и се надевам дека само во најскоро време можно ќе изнајадат некое решение со што би ја забрзале реализацијата на измените на некои постојни детални урбаниситички планови каде што има интерес за изградба на ваков тип на објекти, ни посочи Александар Стојкоски, Градоначалникот на Општина Ѓорче Петров.
Според моментална состојба, граѓаните трпат бидејќи маркетите со низа постапки ја триплираат цената од онаа која ја добиваат како влезна. Владата очекува дека новите синџири Лидл и Шпар ќе донесат пониски цени и ќе ја поттикнат конкуренцијата.
Овие маркетиве кои што ќе влегуваат ќе носат поефтини цени затоа што сега не јас, комисија за заштита на конкуренција кажа дека има картелско здружување. Па се донесе законов за добри трговски практики, почнаа да регистрираат ПР агенции и маркетинг агенции надвор од државава, па таму сега ги тераат производителите да се рекламираат. И затоа ги правиме овие измени, додаде Николоски.
Претходно, комисијата за заштита на конкуренцијата изрече казни за картелско здружување на маркетите. Тие пред една година открија дека дел од поголемите трговци се договороли за зголемување на цените со што го прекршиле законот за заштита на конкуренцијата.
