Во просториите на Бреинстер НЕКСТ колеџот во Скопје денеска и утре ќе се одржат полуфиналниот и финалниот настан на најголемиот средношколски бизнис натпревар во државата – „Средношколец милионер“.
Како што информира организаторот на настанот, по рекордните над 34.000 гласови од јавноста на вебсајтот http://milioner.mk и огромниот интерес низ целата држава, утре избраните 20 најдобри тимови ќе го одржат својот 90-секунден elevator pitch пред основачот и извршен директор на Бреинстер групацијата, Петар Ниновски, во битката за влез во финалето и најдобрите Топ 10 идеи.
Настанот вклучува подготовка за презентациите на 20-те полуфиналисти, 90-секундни „elevator-pitch“ презентации на сите полуфиналисти и избор на Топ 10 идеи кои одат во големото финале во недела пред реални инвеститори, во кое ќе се борат за наградата од 1.000.000 денари.
Настанот е дел од иницијативите со кои Бреинстер ја спроведува својата визија за подобрување на бизнис климата, претприемачкиот екосистем и кадровските капацитети во Македонија во време на новата технолошка револуција, и конкретно, ги охрабрува младите да развиваат препознатливи бизнис идеи со реален потенцијал, поддржани од ментори, претприемачи и бизнис лидери.
