Изјава на пратеникот на ВМРО-ДПМНЕ, Бране Петрушевски:
„Услугата што ниту еден од СДСM не е осуден за висока корупција, Филипче ја враќа со сламка за спас за главниот обвинител Коцевски.
Фактот што ниту еден функционер од СДСM, кои држеа високи државни позиции, и за кои постојат сериозни индиции, но и докази за големи криминали не е во затвор, говори каква е врската на СДСM со главниот обвинител Љупчо Коцевски, и зошто тие во Собрание се бореа да му дадат сламка за спас, преку не гласање на интерпелацијата за него.
СДСM и ДУИ го штитат главниот обвинител Љупчо Коцевски, за тој да ги штити криминалите на Филипче, Заев и Али.
На милиони украдени од ЕСМ и РЕК, на стотици тендери во здравството, нема ниту еден случај на одговорност. Очигледно е сега, дека нема затоа што тие случаи водат до врвот на СДСM.
СДСM со негласањето на интерпелацијата целосно се разголи, и покажа кој го постави, кој стои и кој го одржува во живот главниот обвинител Коцевски.
Се додека е Љупчо Коцевски главен обвинител, се до тогаш нема да има одговорност за криминалците од СДСM и ДУИ, зошто тие се штитат меѓусебно.
Љупчо Коцевски треба да има грам морал, и да ја прифати пораката од граѓаните и да си поднесе оставка. Со секој поминат ден, неговиот рејтинг не само што се намалува, туку го пробива дното.“
