Дебаклот на протестот организиран од СДСМ и ССМ докажа кој реално мисли и помага на граѓаните. Таканаречениот синдикален протест организиран од ССМ, а технички и логистички од СДСМ, граѓаните не го поддржаа затоа што на сите им е јасно дека ова е само еден очаен обид за спас на СДСМ и политичко профилирање на Трендафилов, истакна на прес-конференција Бране Петрушевски, пратеник на ВМРО-ДПМНЕ.
Протестот во саботата кој беше организиран од страна на кадрите на СДСМ облечени во синдикални маички, доживеа дебакл и ги делегитимира ССМ уште повеќе.
Ниту СДСМ, ниту ССМ, а уште помалку Трендафилов и неговата дружина се интересираат за работничките права, нив ги интересираат своите цели и интереси, кои ги добиваат по заслуга на работниците.
Работниците и нивните права се злоупотребени од СДСМ и ССМ, само за истите да дојдат до медиумско внимание.
Каде е ССМ, таму е СДСМ. Каде е СДСМ, таму е и ССМ. Меѓу овие две организации веќе нема разлика.
ВМРО-ДПМНЕ за разлика од СДСМ ќе продолжи и натаму да ги зголемува платите и да го подобрува стандардот на граѓаните.
