Падна Владата на Бугарија. Бугарскиот премиер Росен Жељасков го послуша барањето на повеќе од 150.000 илјади Бугари, кои излегоа на улците и со ласери кон зградата на бугарскиот Парламент, порачаа „мафијата надвор“, „оставка“, „за фер избори“. И не само во Софија и во дестина други градови се бараше оставки од актуелната владина гарнитура. Ден по големите протести Жељасков кажа дека го слушнале гласот на граѓаните и поденсуваат оставка, бидејќи кренале младите, старите, луѓе од различни етнички припадности.
-Протестот беше против ароганцијата и суетата, против начинот на кој се практикуваат демократските вредности. Затоа Владата поднесе оставка, порача Жељасков.
Големите протести кај источниот сосед дојдоа откако бугарската Владата го повлече својот буџетски план за 2026-та година, првиот што е составен во евра, поради влегувањето на Бугарија во еврозоната од први јануари следната година.
-Не може Пеевски да е на власт, јас да трпам, не можам. И многу други луѓе не можат и нема, просто нема.
-36 години Бугарите сакаат демократија и некаква промена, тоа што се случува е една промена, се случува.
-Тука сме со барања за да се чувствуваме слободни, да живееме слободно во нашата родна држава.
И претседателот на Бугарија, Румен Радев, порача дека Бугарите јасно кажале која е нивното барање.
-Народот го претрка парламентот и вечерва гласаше недоверба на владиниот кабинет. Незапаметен број Бугари од сите возрасти и партии го сторија тоа на плоштадите во Софија, Пловдив, Варна, Бургас… низ цела Бугарија и Европа. Протестот роди широк народен консензус против мафијата, што е поважно од сите разлики, од сите обиди за присвојување на надежта, порача Радев.
Опозициските партии и други групи претходно порачаа дека протестираат против плановите за зголемување на придонесите за социјално осигурување и даноците на дивиденти, кои беа воведени за финансирање на повисоките државни трошоци.
Матеја Петровски
