Санкциите на Трамп врз Русија, насочени кон „Лукоил“ и „Роснефт“, во обид да изврши притисок врз Москва да се согласи на прекин на огнот во Украина, ги зголемија цените на нафтата, со што директно се погодени Унгарија и Словачка – најголемите купувачи на руска нафта во Европската унија. Унгарскиот премиер Виктор Орбан изјави дека разговарал со унгарската нафтена и гасна компанија „МОЛ“ за американските санкции.
„Работиме на тоа како да ги заобиколиме овие санкции“, рече Орбан во интервју за државното радио „Кошут“. Рафинериите на „МОЛ“ во Унгарија и Словачка, со вкупен капацитет за преработка од 14 милиони тони нафта годишно, зависат од руската нафта транспортирана преку нафтоводот „Дружба“.
