Пожарот кој го зафати паркот на природата Езерени се шири кон Националниот парк „Галичица“. Според последните информации од Центарот за управување со кризи, огнот е на околу 300 метри од куќите во село Волкодери.
Околу 15 часот се очекува да полета уште еден ер трактор на Дирекцијата за заштита и спасување, а веќе е испратено барање за интервентна поддршка од Армијата и МВР.
Пожарот во Езерени изби синоќа. Во текот на ноќта беше ставен под контрола, но денеска повторно е активен. Гори сува трева и трска.
