Кадровски се зајакнува штипската Клиничка болница. Големиот дефицит од стручен медицински персонал, полека се пополнува. Освен вработувањето на 18специјализанти, во тек е оглас за вработување и на лекари по општа медицина, фармацевти и медицински сестри. Се разгледува можноста да биде распишан оглас и за болничари и хигеничари.
„Осумнаесет вработувања, од кои седум се за лекари по општа медицина, двајца фармацевти и девет медицински сестри. Тој оглас е во тек. Во координација со Влада и Министерство за финансии, се разгледува доколку има можност да се распише и уште еден оглас за вработување на помошен медицински персонал, односно хигиеничари и болничари„ изјави д-р Владко Захариев, директор на КБ-Штип.
За половина година, шестмина специјализанти ќе го завршат своето доусовршување, што значи дека целосно ќе биде обезбеден и кадар кои ќе работи во модуларната болница, која во моментот се преадаптира во специјалистички амбуланти каде преку Мој термин ќе се прегледуваат пациенти. Годишно се вршат над 150.000прегледи, со што значително ќе се растерети главниот објект на болницата. Процесот за уредување е во втора фаза. Обезбеден е нов мебел. Се поставуваат клими, се врши поправка на електричната мрежа, а ќе се изгради и нов паркинг простор.
„Тие што се елективни пациенти со Мој термин, да бидат во горната половина на болницата, кај модуларната, додека тие што ќе бидат итни ќе бидат во делот каде сега е приемно. Со ова се надеваме дека метежот со коли што сега го имаме ќе се намали за 70% и овде ќе се создадат оптимални услови за процедури„ изјави д-р Владко Захариев, директор на КБ-Штип.
По завршувањето на ковид пандемијата модуларната болница остана празна и беше честа мета на крадци и вандали. Беа украдени клима уреди, мебел, а минатиот месец беш регистрирано намерно оштетуваања во електричната инсталација што можеше да предизвикат краток спој и пожар.