Граѓаните на Македонија очекуваат ред и правда, но за жал ниту судството ниту обвинителството, ги испорачуваат. Одредени структури кои повеќе од три децении се вгнездени во Обвинителството и Судскиот совет даваат отпор. Тоа не значи дека сите таму што работат се неспособни, но има една мала група која со своите политички и бизнис интеереси го поткопува целиот систем, рече вицепремиерот и министер за транспорт и врски Александар Николоски порачувајќи дека правдата ќе ги стигне сите оние кои се огрешиле.
„Првиот чекор секако беше интерпелациите за членовите на Републичкиот судски совет и јас очекував дента кога ги поднесоа интерпелациите ќе поднесат оставка од причина што мнозинството кои ги избрало веќе не постои и не само што не постои доживеа и катастрофален пораз на парламентарните избори, што значи дека народната волја е јасна. Но, наместо тоа, тие решија да се спротистават, ќе поминеме низ процедурата на разрешување во Собранието и ќе бидат разрешени. Слично е и со Обвинителството. И таму се дава отпор, но тоа е прашање на месец или два. Правдата ќе ги стигне сите оние што згрешиле„ изјави Александар Николоски, вицепремиер и министер за транспорт и врски
Николоски посочи дека за ресорот кој тој го води, има поднесено над 20кривични пријави и иницијативи, но досега ниту една не е реализирана.
„Преку 20кривични пријави и иницијативи имам поднесено до соодветните институции и досега не е реализирана ниту една , што најверојатно покажува како работат и на кој начин работат. Слушаме многу ветрувања, а малку ветување„ изјави Александар Николски, вицепремиер и министер за транспорт и врски.
Николоски, за во наредниот период најави силен активизам во судството и обвинителство, со цел конечно да завладее ред во државата.
