На територијата на државата, до 09 часот денеска имало вкупно 18 пожари на отворен простор, од кои ниту еден не е активен. Под контрола е пожарот во повеќенаменското подрачје „Јасен“, во општина Македонски Брод, каде повеќе од десетина дена гореше мешана шума, а изгаснати се 17 пожари, информираат од ЦУК.
Изгаснат е и пожарот кај браната „Езеро Козјак“, во општина Сопиште, каде гореше ниска вегетација и шума, како и пожарите во општина Студеничани, кај селата Горно Количани и Драчевица, и на планинскиот врв Китка.
