Лозарството е во фокусот на оваа Влада и се прават напори оваа гранка која е многу важна за нашата држава повторно да се врати на пиедесталот којшто го заслужува, порача денеска министерот за земјоделство Цветан Трипуновски. Тој денеска заедно со амбасадорката на Америка во Македонија Анџела Агелер и градоначалникот на Кавадрци, Митко Јанчев со закројување на винови лози го одбележаа Свети Трифун, заштитник и чувар на лозарите.
„Минатата година за потсетување имавме согласно Законот за вино цена којашто беше историски највисока. Тоа е показател дека покажуваме сенс за оваа битна гранка. Со редовната исплата на субвенциите кои минатата година беа заостанати, продолживме со редовна исплата на субвенциите. Така и денеска на сметките на повеќе од 11.000лозари, легнаа субвенциите за 2024. Ова е уште еден показател дека она што беше ветувано, за редовна исплата се случува“, изјави министерот за земјоделство, Цветан Трипуновски. .
Бериќетна и успешна година на лозарите им посака и градоначалникот на Кавадрци, Митко Јанчев, кој истакна дека од со јакнењето на винската индустрија бенефит ќе има целата држава.
„Сами знаете дека Македонија, е земјоделска земја и би бил среќен кога пак би ја постигнале онаа количина на грозје и би направиле извоз на вино од над 100милиони евра. Тоа би било голем бенефит и за државата и за Кавадарци“, изјави Митко Јанчев, градоначалник на Кавадарци.
Во Македонија има повеќе од 28.000 хектари лозови насади, а годишно произведуваме околу 100милиони литри вино, од кои 70% се извезуваат во над 40 земји низ светот.
