Лидерот на СДСМ, Венко Филипче, најави дека утре ќе биде познато новото раководство на партијата, откако на негово барање на почетокот на декември оставка поднесе целото раководство.
Филипче рече дека веќе е готов списокот со лицата кои ќе бидат дел од новото раководство и дека тоа ќе биде комбинација од искусни и млади луѓе.
Тука ќе се избере новото партиско раководство – новите потпретседатели и новите членови на Извршниот одбор. Практично, тоа е една нова сила во партијата, комбинација на искусни и млади кадри – изјави Филипче, додавајќи дека се отвора широк фронт со граѓаните, политичките чинители и граѓанскиот сектор, за да се стави крај, како што рече, на криминалната власт.
