🎥 Мицкоски: Овој ден нека нa обединува, жртвите не предците нека не потсетуваат каква држава треба ние да оставиме

Илинден нека не обедини и нека нѐ потсeтува на жртвата која што генерациите ја оставиле за денеска да имаме слободна и независна држава Македонија – порача премиерот Христијан Мицкоски на чествувањето на 2-Август Денот на Републиката во Скопје. Мицкоски ја педводеше владината делегација која се поклони и положи цвеќе на споменикот на претседателот на Крушевската Република Никола Карев пред зградата на Собранието, на споменикот на АСНОМ во паркот „Жена Борец“ и на споменикот на првиот претседател на Президиумот на АСНОМ, Методија Андонов – Ченто на плоштадот Македонија.

• „Овој ден нека нè посетува на жртвата којашто генерациите ја оставиле, за да може нашата генерација да го има ова што денеска го имаме, а тоа е слободна, независна држава Македонија. Нека нивната жртва нè потсетува каква држава треба ние да оставиме на генерациите после нас. Држава во којаштo ќе имаме среќни граѓани, која ќе биде просперитетна и ќе биде татковина на сите – без разлика на етничката припадност. Ова е ден на обединување, да го чествуваме достоинствено и напомош нека ни е Свети Илија“, кажа премиерот.

Во својата порака Мицкоски, нагласи дека одговорност имаат и граѓаните, но особено институциите, да се продолжи патот започнат во Крушево и потврден во АСНОМ, со работа, чесност и грижа за иднината. Како Влада, вели премиерот, биле посветени да ја направат Македонија држава на можности, праведна, безбедна и просперитетна, со силни институции што ќе бидат на страната на граѓаните.

Претседателот на владата беше придружуван од вицепремиерот Изет Меџити, како и министерката за образование Весна Јаневска. Собраниската делигација ја предводеше потпретседателот Антонио Милошоски, а цвеќе на спомениците во Скопје, положија и градоначалничката на Скопје Данела Арсовска, партиски делегации, како и двајцата кандидати за прв човек на главниот град Орце Ѓорѓиевски и Каја Шукова.

Македонија денеска го празнува и слави најголемиот македонски празник, двата Илиндена, 122 година од Илинденското востание, односно раѓањето на Крушевската република и 81 години од првото заседание на АСНОМ. Илинден е најсветлиот ден во македонската историја, симбол на македонската борба за слобода и државност, ден кој врзува две епопеи и еден идеал, а тоа е идеалот за слободна и независна Македонија.