Од институција со нарушен кредибилитет, до модерен и стабилен Фонд за здравствено осигурување кој функционира со јасни правила и силни механизми на контрола. На одбележувањето на 25 годишнината од работењето на Фондот, премиерот Мицкоски вели дека од првиот ден акуелната Влада покажала што значи вистинска посветеност кон јавното здравство.
Се истражува секоја злоупотреба, без исклучок, а ниту една установа или позиција не е заштитена ако ја нарушила довербата на пациентите, рече премиерот. Таму каде што се работи за човечки животи – мора да има правда, порача Мицкоски.
Владата обезбеди историски најголем буџет за ФЗО до сега – 53 милијарди денари. Тоа овозможи 33% зголемување на капитацијата за општите лекари и гинеколозите, 23% зголемување за стоматолозите, 17% кумулативен раст на платите во јавното здравство од кои 9.5% е реален раст, и 107% зголемување на условениот надоместок за нови иновативни лекови.
Според првиот човек на Фондот за здравство ваквото вложување е доволно и е на ниво на средноразвиени земји. Клековски смета дека Фондот се уште има недостатоци, но како што вели испорачува. Според него следниот предизвик е децентрализација и дигитализација на здравствениот систем.
Давид Крстевски
