Премиерот Христјан Мицкоски денеска одржа состанок со претставници од повеќе ресорни министерства и институции, посветен на реформската агенда како клучен елемент за придвижување на процесот на европски интеграции.
„Во изминатите месеци ја стабилизиравме економијата, спроведуваме реформи и работиме на напредок во сите сектори, но реформската агенда мора да остане во фокусот“, истакна премиерот. Тој додаде дека исполнувањето на Копенхашките критериуми останува важна цел, и покрај тоа што, како што рече, пречките на патот кон ЕУ досега често не биле поврзани со самите услови.
„Важно е да обезбедиме напредок на стандардот и стабилна иднина за сите граѓани“, порача премиерот.
Министерот за јавна администрација, Горан Минчев, учествуваше на состанок предводен од страна на премиерот Христјан Мицкоски на тема реформската агенда за придвижување на европските интеграции, на кој присуствуваа и останатите министри од Владата.
