Изградбата на автопатиштата, железниците и гасното поврзување е приоритет на владата. Според премиерот Мицкоски само со вложување во вакви проекти, македонија ќе има единствена предност пред другите држави во регионот, како крстосница на Балканот да привлече инвестиции и да го забрза економскиот раст. Според Мицкоски тоа е клучно во услови на глобална нестабилност предизвикана од кризата на Блискиот Исток. Потврдува дека поради воведените мерки за одржување на животниот стандард, во буџетот се слеваат помалку пари од акцизи од дизелот и бензините, но сепак продува активно се гради далноводот кон Албанија, гасоводот кон Грција, а наскоро ќе се објави и тендер за гасно поврзување со Србија.
„Ако ние тоа го направиме, тогаш можеме да развиваме се, туризам, се можеме да развиваме. Тоа досега не сме го направиле. Нашата цел е најголем дел од овие делници да ги завршиме во рамки на мандатот на оваа Влада. Тоа е патното поврзување. Коридорот 10, горе-долу сме поврзани, Табановце-Гевгелија со автопат, но Коридорот 8 потребно е да се заврши и тука работиме со жестока динамика, иако е прилично предизвикувачки проект и ние ќе имаме патно сериозно, добро, квалитетно поврзување“ – вели Христијан Мицкоски – претседател на Влада.
Пренасочување на странските инвестиции од автомобилска индустрија кон дата центри и енергетски проекти. Според Мицкоски, на Македонија ќе и треба струја, за повеќе регионални инвестиции што ќе ги обединуваат државите преку вештачка интелигенција.
Владата е јасно насочена кон реформи на патот кон Европската Унија. Мицкоски вели дека како Влада попрво би оделе по потешкиот пат, со кој местото ќе се заслужи со квалитет и резултати. Покусиот пат, според него, е полн со понижувачки предизвици. Во однос на исполнувањето на Реформската агенда, тој повтори дека Македонија најдобро стои меѓу зем,јите од западен Балкан со 16 успешно завршени од 21 индикатор.
