🎥 Мицкоски: Историски ќе победиме на локалните, двојно поголем раст на нето – платата во време на Владата на ВМРО-ДПМНЕ во однос на периодот на СДСМ и ДУИ, за 20% зголемени платите на социјалните работници

Двојно поголем раст на нето платата за време на владата на ВМРО, отколку за 7 години власт на СДСМ. Опозицијата да престане да спинува и лаже за порастот на платите во Македонија. Премиерот реагира на обвинувањата на СДСМ дека Владата води лоша економска политика и дека примањата на работниците не растат. Мицкоски вели дека бројките ги побиваат тврдењата на опозицијата. Реалната нето плата за време на седумте години владеење на СДСМ и ДУИ пораснала за 3,5%, додека во последната година  кога ВМРО-ДПМНЕ е на власт, имало зголемување од 6 и пол отсто.

-Математички, но и било како гледано, 6,5 отсто е речиси двојно повеќе од 3,5 проценти. Селективниот пристап и ваквиот тип на политика на СДСМ донесе резултати во Македонија како што бевме сведоци изминатите седум години катастрофални и унуштувачки. Но она што е поважно и мој совет до раководството на СДСМ е дека тие со ваквиот селективен пристап ја уништија и сопствената партија – рече Мицкоски.

Од овој август, поголеми плати за 20% ќе добијат и вработените во во јавните установи за социјална заштита. За Мицкоски , ова преставува историски чекор напред. Новиот Колективен договор со кој, меѓу другото, се зголемуваат примањата на оваа категорија работници, беше потпишан на почетокот на август од страна на Министерството за социјална политика, демографија и млади од една страна и синдикатите УПОЗ и СОНК од друга.

– Не е само зголемувањето на платите што треба да биде дваесеттина проценти, туку станува збор и за услови кои ќе го подобрат амбиентот на работа на вработените во тие установи и ќе значат дополнителна енергија во рамките на социјалната политика во Македонија како држава, рече Мицкоски.

Во меѓувреме , се уште траат калкулациите околу евентуалното покачување на минималната плата, која секогаш врши пристисок врз зголемување и на другите палти во државата. Владата рече дека ќе поддржи секој договор меѓу синдикатите и работодавачите. Синдикатите бараат минималец од 500 евра, бидејќи и покрај тоа што просечната плата достигна 45.468 денари во јуни, дури 73% од работниците имаат примања под овој износ. Работодавачите, пак, велат дека се против з азголемување на минималецот од ракав. Сметаат дека бизнисот го чекаат тешки денови, па играњето со бројки што финансиски ги оптоварува е несериозно.