Македонија – таргет на меѓународните компании и во време на криза на европскиот пазар. Две нови странски инвестиции од компании кои треба да вработат 500 луѓе – најави премиерот Христијан Мицкоски. Тој вели дека во моментов се преговара со нив, а очекува до крајот на ноември да има позитивен исход. Едната треба да биде вложување во нов погон, а другата ќе биде проширување на постоечките капацитети. Новите инвестиции ќе„тежат“ 50 милиони евра.
Склучување договори за нови инвестиции ќе има и во последниот месец од годинава. Вложувањата ќе бидат во градежниот сектор и во автомобилската индустрија.
Владата пред неколку дена потпиша два одделни договора за државна помош за двете компании на брендот „ Бреинчајлд“ продукција и Бреинчајлд производство кои работат во земјава. Со ова им се овозможи на компаниите во Битола да инвестираат во адаптирање на лабораторија за истражување и развој да изградат нов објект во индустриската зона во Жабени. Почетокот на градбата се очекува да биде во 2025 година. Овие две инвестиции се случија откако Владата во изминатите четири месеци договори вложувања во вредност поголема од 600 милиони евра и нови 1.600 вработувања.
