Позади мене е новоизграденото основно училиште во Визбегово. Тоа е сигурен доказ дека на место на најстарите основни училишта на територија на општина Бутел, Љубанци и Љуботен ќе изградиме две нови основни училишта, се наведува во соопштението од ВМРО-ДПМНЕ.
За време на мојот четиригодишен мандат инвестиравме рекордни двесте петнаесет милиони денари во образованието. Обезбедивме ранче со прибор за секое прваче. Обезбедивме бесплатни униформи за сите ученици.
Обезбедивме и стипендии за најдобрите ученици. Инвестиравме во нови фасади, инвестиравме во нови информатички кабинети.
Училишните дворови ги реконструиравме целосно. Изградивме нови детски игралишта и нови спортски терени.
Нашите деца остануваат во фокус и во наредните четири години.
